Är du redo för smörgåser med söta bror, med eller utan TV1 och TV2? Eller föredrar du köttbullar, och sen klemme en bärs eller två?

Dette, og sjølvsagt mykje meir, kan du oppleve   Laurdag 11. mai , for  da brakar  det atter laus for det som me veit vert den FEITASTE og DRYGASTE heimefesten kring fenomenet Eurovision Song Contest!

Dei som har delteke på ESC festen i Vallalia ved tidlegare høve er no godt kjent med tradisjonen som seier at det er vertsnasjonen som sett tema for festen. Dette kjem til syne gjennom dekorasjon og kva som vert servert til å å tygge på under minglefesten, som heile festen byrjar med. Om du ynskjer å kle deg «i tråd» med vertsnasjonen er heilt opp til deg, her er det ingen tvang.

Som nokre truleg fekk med seg, var det Sverige som stakk av med sigeren i 2023, så da er det sjølvsagt "Söta Bror" som sett også sett tema ved årets fest.

Tradisjonen tru vil det sjølvsagt også være duka for overdriven bruk av røykmaskin, laser og andre nær-epilepsi-framjande ljosdippeduttar, men mest av alt;
- Ein fest med god stemning i klassisk Vallalia-tradisjon.

Dette IKKJE eit ope arrangement!
Det kun er dei som har fått stadfesta at dei står på GJESTELISTA som slepp inn på festen.

Påmelding til festen gjerast Fjesboka, der invitasjon er sendt ut. Det er kun du som invitert gjest som er velkommen. Om du ynskjer å ha med deg EIN gjest må dette godkjennast. Dette gjer du ved å sende ein melding på Fjesboka eller via Messenger.

Som vanleg vert det naudsynt å setja eit tak på antal deltakarar. I fjor prøvde med å auke talet, men mer ser at av hensyn til blant anna tryggleik så er dette talet maksimalt 30 personar. Det kan derfor og hende at me må sei nei til nokre deltakere. 

Som vanleg byrjar festen klokka 17:00  med velkomst, flokktyting, mat og drikke. Seinare samlast me “uKultursalen i Vallalia” for litt ymse før før sjølve fesjået brakar laus presis klokka 21:00.

Når TV-sendinga er ferdig byrjar etterfesten!
Denne klassikaren av ein fest varar fram til om lag klokka 04:00 sundag morgon, der dei som ikkje skal overnatte vert kasta ut.

Me vonar DU har høve og lyst til å vere med og setta DITT preg på festen!

Sjå "Praktisk informasjon" og "Program" under knappen "ESC party 2024" for videre informasjon.